CETINJE – Krov na jednoj od hala na Gornjem Obodu, u blizini rezervoara gasa ciklopentana, urušio se u ponedjeljak pod teretom snijega. Prema riječima građana koji žive u neposrednoj blizini Gornjeg Oboda, jutros oko 11 časova čula se lomljava i buka, nakon čega se urušio krov hale.

-Sinoć je čišćen snijeg oko postrojenja ciklopentana, a jutros se urušio krov-kazali koji su gradjani koji su više puta pokušali da apeluju na nadležne da se ciklopentan izmjesti iz njihovog komšiluka.

Iz prijestonice su nam rekli da je riječ o hali čiji je krov pao još prije sedam godina, te da se jutros samo dodatno urušio, kao i da se hala ne nalazi u blizini rezervoara ciklopentana.

Kako su Pobjedu obavijestili građani koji žive u neposrednoj blizini Gornjeg Oboda od snijega je pao i jedan kabal sa stuba ulične rasvjete. Na sreću nadležni su odmah reagovali pa je kabal jako brzo uklonjen.

J.Đ.