Potrebno: Tri jaja,  četiri šolje brašna, tri šolje mlijeka, 10 grama  kvasca, 100 grama  maslaca i  kašičica soli.

Priprema: Umutiti tijesto od dvije  šolje brašna i dvije  šolje mlakog mlijeka u kome je prethodno razmućen kvasac.
Dobro izmiješati, pokriti čistim salvetom i ostaviti na toplom mjestu.

Kada tijesto naraste dodati šolju mlijeka, dvije šolje brašna, žumanca, so i 100 grama  rastopljenog maslaca i snijeg od bjelanaca.
Sve dobro varjačom izlupati, pokriti i ostaviti na toplom mjestu. Tijesto treba da bude gusto kao jako gusta pavlaka.

Kada tijesto naraste, pržiti kao deblje palačinke na blago nauljenom tiganju.

Blinji treba da budu laki i rupičasti i služe se odmah dok su topli sa vrelim maslacem i kisjelom pavlakom. Dobro idu uz slane haringe, ajvar, sir i razne vrste riba.